Mungesa e reshjeve të dëborës gjatë stinës së dimrit ka bërë që në basenin më të madh të vendit, në atë të hidrocentralit të Fierzës kuotat të mos jenë optimale për stinën.
As reshjet e pranverës nuk kanë ndikuar në rritjen e prurjeve, duke bërë që hidrocentrali i Fierzës këtë vit të mos jetë në mesataren e përhershme të kësaj periudhe.
BalkanWeb shkruan se hidrocentrali i Fierzës aktualisht është në kuotën 281 metër nga 296 që është pika maksimale e tij, ndërsa prurjet janë 120 m³/s.
Specialistët e hidrocentralit të Fierzës pohojnë se kuota mesatare e kësaj periudhe duhet të ishte 290 metër, ndërsa duket se kanë nisur menaxhimin e prurjeve, me qëllim akumulimin e ujërave në basen.
Hidrocentrali më i madh në vend, aktualisht po prodhon energji elektrike me dy turbina, nga 4 të tilla që ka në dispozicion, me një kapacitet prodhimi 190 MWh./ BW
