Klubi i Çelsit ka nisur një fazë të re ristrukturimi, me synimin për të ulur ndjeshëm barrën financiare të pagave dhe për të çliruar hapësirë për përforcime të reja gjatë merkatos së verës.
Sipas atyre që raportojnë mediat pranë klubit, një listë e lojtarëve që pritet të largohen është hartuar tashmë, ndërsa emrat që bien në sy përfshijnë disa nga pagamarrësit më të lartë të ekipit.
Nga Stërling, Nkuku, Ciluell apo Zhoao Feliks, i përfshirë në këtë listë është edhe Armando Broja.
Kombinuar, këta pesë lojtarë përfaqësojnë një barrë prej 1,083,000 paundësh në javë, ose mbi 56 milionë paund në vit, që Çelsi dëshiron ta shkurtojë për të përmirësuar bilancin financiar dhe për të vepruar më lirshëm në tregun e transferimeve, pa shkelur rregullat e Fair Play-it Financiar. Por gjithashtu, të përfitojë edhe nga shitja e tyre.
Ndër emrat e përmendur, bie në sy edhe sulmuesi shqiptar Armando Broja, i cili aktualisht përfiton një pagë prej 78 mijë paund në javë, që përkthehet në afro 300 mijë paund në muaj. Edhe pse i rritur në akademinë e Çelsit dhe i konsideruar për një kohë si një nga talentet më premtues të klubit, Broja ka hasur vështirësi për të zënë një vend fiks në ekip, kryesisht për shkak të konkurrencës së madhe dhe problemeve me dëmtimet.
Broja, që sezonin e fundit ishte i huazuar tek Evertoni, do të jetë një nga lojtarët e parë që Çelsi do të tentojë që ta shesë. Megjithatë, paga e tij e lartë mund të jetë ndoshta një pengesë për klubet më të vogla që dëshirojnë shërbimet e tij, më shumë jashtë Anglisë.
