Gazeta gjermane Bild raporton se Bayern këto ditë ka miratuar planin e drejtorit sportiv, Max Eberl, për merkaton e verës.
Ky i fundit ka paraqitur strategjinë e tij dhe disa nga emrat që po ndjek për të përmirësuar skuadrën. Drejtuesit e klubit kanë aprovuar çdo ide të tij.
Së pari, bordi ka pranuar se Eric Dier nuk duhet të fitojë kontratë të re. Kjo, jo për arsye sportive, por sepse Monaco i ka ofruar tri vite kontratë me një pagë që Bayern nuk e përballon. Së dyti, klubi ka rënë dakord që Florian Wirtz duhet tentuar të blihet tani dhe jo në verën e ardhshme. Shifra e mundshme, 120 mln euro.
Së treti, drejtuesit janë pro transferimit të Jonathan Tah me parametra zero. Bonusi i firmës për të do të jetë 15 mln euro. Së katërti, Bayern po kërkon një mbrojtës të djathtë, nëse ia del që të shesë dështimin e vitit, Sascha Boey.
