Ministri spanjoll i të Drejtave Sociale, Çështjeve të Konsumatorit dhe Axhendës 2023, Paolo Bustinduy, njoftoi sot në Bruksel se qeveria iberike po përgatitet të sanksionojë linjat ajrore me kosto të ulët Wizzair dhe Transavia për tarifimin e kostove të bagazheve të dorës së pasagjerëve, siç ka bërë tashmë ndaj Ryanair, Vueling, Easyjet, Norwegian dhe Volotea duke u imponuar gjoba totale prej 179 milione euro.
“Këto dy kompani të tjera po ndjekin të njëjtën rrugë si pesë të mëparshmet,” tha Bustinduy, cituar nga TV spanjoll, në selinë e Organizatës Evropiane të Konsumatorëve (BEUC), ku u njoftua një ankesë në Komisionin Evropian dhe Rrjetin Evropian të Konsumatorëve kundër linjave ajrore Easyjet, Norëegian Airlines, Ryanair, Transavia, Volotea, Vueling dhe Wizzair.
Madridi gjobiti pesë linjat ajrore në nëntor 2024 për mbledhjen e tarifave shtesë “abuzive”, kryerjen e “praktikave të paligjshme”, të tilla si pagesa për bagazhet e dorës ose printimi i kartave të imbarkimit, një sanksion që ministri spanjoll tani dëshiron ta shtrijë për Wizzair dhe Transavia./ Kapitali
