Një urdhër arrest është lëshuar ndaj Ervis Doçit, i njohur në Durrës si “Visi i Pojës” në kuadër të operacionit antidrogë të koduar “URA” mes Italisë dhe Shqipërisë.
Burime për Boldnews.al bëjnë me dije se në kuadër të këtij operacioni është sekuestruar edhe një lokal shumë i njohur në Durrës dhe tejet i frekuentuar nga rinia, i cili ndodhet në zonën e Currilave.
Bëhet me dije se lokali është në pronësi të Ervis Doçit.
Burime nga grupi hetimor bëjnë me dije se janë lëshuar 52 urdhër-arreste në Shqipëri dhe Itali me akuzat për trafik droge, shpërdorim detyre dhe pastrim parash ndërsa janë sekuestruar pasuri me vlerë miliona euro.
Në aksionin e shtrirë në disa qytete marrin pjesë forcat e rendit, agjentë të Byrosë Kombëtare të Hetimit (BKH), si dhe përfaqësues të antimafias italiane.
Sipas mediave italiane, në listën e urdhër-arresteve ka edhe punonjës policie, avokatë dhe emra të njohur të botës së krimit, të dyshuar për përfshirje në rrjetin e trafikut dhe për shpërdorim detyre.
