Moderatorja e njohur Roza Lati e cila prej disa kohësh është larguar nga televizioni duke lënë shumë pikëpyetje për ndjekësit, ka treguar së fundmi arsyen e këtij vendimi.
Me anë të disa InstaStory-ve, Roza ka radhitur një sërë arsyesh të cilat e larguan nga ekrani.
Pas mbylljes së programit Why not? që ajo drejtonte, moderatorja u shpreh se u përball me disa sfida jo të lehta, ndër to edhe humbja e foshnjës.
“Mbrapa mbylljes se Sezonit “Why Not”, pata një maratonë fatkeqësisht njëra pas tjetrës. Vdiq Petit, vdiq Sasha (i referohet qenushëve të saj) Vdiqa vetë (i referohet foshnjës që humbi),” u shpreh ajo.
Më pas moderatorja e cila njihet për ironi, nuk nguroi të thumbonte edhe kolegët e saj që siç përflitet i morën nga duart programe që ishin në pan t’i drejtonte ajo, teksa u shpreh:
“Vura re, jo vetëm një televizion që po u jepej e drejta të drejtonin e moderonin programe në Tv. Persona që nuk e kanë magjinë e fjalës, artin e komunikimit, por që ju vënë atë kufjen në vesh që publiku nuk e kupton. Vura re që pazari i të drejtuarit program kishte rënë….Rroga qesharake po dëgjoja vërdallë, dhe nëse sillje sponsora, përqindje qesharake po dëgjoja nga të katërta anët,” shkroi Roza ndërsa theksoi se: Profesionisti kushton, nuk do të drejtoj programe falas apo me pazar të ulët vetëm që të jetë i famshëm.”
Ndër të tjera ajo shtoi se këtë kohë jashtë ekranit po ja kushton familjes, partnerit dhe qenushave të saj të rinj.
“Kështu që zemra e mija, unë po fokusohem për herë të parë seriozisht tek pasuria më e madhe e njeriut, familja.”
Mirëpo ajo çfarë premtoi Roza është se nuk do ta lërë pasionin e saj me kaq, ajo u shpreh se do t’i rikthehet televizionit kur të ndjej se vërtetë publikun e ka marrë malli për të.
“Do rikthehem në ekran. Patjetër. Kur të t’ju shpifet me çfarë po shet ekrani televiziv sot. Do rikthehem jo vetëm unë. Por dhe profesioniste të tjerë që ju është shpifur po ashtu si unë. Siç e kam thënë publikisht: Le ta marrë malli publikun për mua në ekran,” përfundoi ajo.
