Oficerët e BKH-së me urdhër të Prokurorisë së Posaçme (SPAK) kanë ushtruar kontrolle ditën e sotme në Bashkinë e Klosit të drejtuar nga socialistja Valbona Kola.
Burime për mediat bëjnë me dije se kontrollet janë ushtruar nën dyshimet për krime zgjedhore për zgjedhjet parlamentare të 11 Majit. Mësohet se janë sekustruar disa celularë dhe kompjutera, teksa janë shoqëruar edhe disa zyrtarë. Raportohet se mes personave të shoqëruar janë edhe disa punonjës policie.
Burime bëjnë me dije se telefonat u janë sekuestruar drejtorit juridik të Bashkisë së Klosit, drejtorit të shërbimeve sociale të Bashkisë së Klosit, si dhe një drejtori tjetër të Bashkisë, të cilët dyshohen si të përfshirë në krime zgjedhore.
Urdhri për kontroll është dhënë nga prokurori i SPAK, Elvin Gokaj, teksa vendimi i GJKKO është firmosur nga gjyqtari Erion Çelaj.
Ata janë drejtori juridik i bashkisë së Klosit, drejtori i shërbimeve sociale e të bashkisë klos dhe një drejtor tjetër.
Bashkia e Klosit bën pjesë në Qarkun e Dibrës, aty ku Partia Socialiste fitoi për herë të parë, duke marrë 3 mandate, kundrejt 2 të Partisë Demokratike. Akuzat në Dibër ndaj socialistëve për blerje votash dhe intimidim ndaj zgjedhësve kanë qenë të shumta.
