Një automjet është përfshirë nga zjarri pasditen e kësaj të diele në afërsi të Torrës Veneciane, në qytetin e Durrësit.
Ngjarja ka ndodhur rreth orës 17:15, ndërsa mjeti ishte në lëvizje. Nga informacionet paraprake mësohet se automjeti ishte i pajisur me sistem benzinë-gaz dhe dyshohet se zjarri është shkaktuar nga një defekt teknik.
Fatmirësisht, nuk raportohet për persona të lënduar, por vetëm për dëme materiale. Drejtuesi i mjetit ka arritur të largohet në kohë nga automjeti.
Ndërhyrja e një mjeti zjarrfikës ka bërë të mundur shuarjen e flakëve.
