Një aksident rrugor ka ndodhur mbrëmjen e sotme në Krumë, Kukës.
Rreth orës 20:25, shtetasi L.M., duke udhëtuar me automjet së bashku me babain e tij, ka humbur kontrollin dhe mjeti ka dalë nga rruga në fshatin Zahrisht. Si pasojë, të dy janë plagosur dhe janë dërguar në spital, ku ndodhen jashtë rrezikut për jetën.
“Rreth orës 20:25, në fshatin Zahrisht, shtetasi L.M., i cili udhëtonte së bashku me babain e tij shtetasin I. M., dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga.
Drejtuesi i automjetit dhe babi i tij, janë dërguar në spital, jashtë rrezikut për jetën.”– njofton policia.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
