Edi Rama vazhdon servilosjen deri në neveri ndaj kryeministres Giorgia Meloni, të cilës tashmë gjithmonë ka filluar t’i referohet me fjalën “motër”.
Ashtu si edhe në samitin për Klimën COP 29, që u mbajt në nëntor në Baku të Azerbajxhanit, edhe ditën e sotme Edi Rama nuk ka nguruar që t’i ulet sërish në gjunjë për servilosje kryeministres italiane. Kjo ndodhi në momentin kur Rama e priti Melonin për të marrë pjesë në samitin e Komunitetit Politik Europian.
“E bën vetëm që të jetë i gjatë sa unë” – tha me ironi Meloni kur e pa kryeministrin shqiptar në gjunjë.
Rama më herët ka ftuar Giorgia Melonin për të qëndruar për dy ditë për pushime në vilën rezidenciale në Vlorë, aty ku u dakordësua dhe marrëveshja mes të dyve për strehimin e refugjatëve afrikane në vendin tonë.
Gjithashtu, Rama e ka puthur para kamerave edhe në faqe Melonin, pamje të cilat kanë bërë bujë edhe në mediat ndërkombëtare.
