Që në orët e para të mëngjesit të sotëm, (e premte, 16 Maj), vendi ynë do të dominohet nga alternime kthjellimesh dhe vranësirash të shpeshta të cilat herë pas here do të gjenerojnë rrebeshe afat-shkurta shiu ku më të dukshme do të paraqiten në zonat Jugore dhe Juglindore.
Sipas Meteoalb, parashikohet që në orët e pasdites, moti të vijojë me vranësira dhe shira në te gjithë territorin e vendit, por intensiteti i tyre do të jetë në rënie.
Temperaturat e ajrit do të pësojnë rënie në të dy vlerat ekstremale ditore ku më e ndjeshme do të jetë në mesditë; minimalet do të ulën deri në 6°C, ndërsa maksimumi do të ngjitet deri në 23°C .
Era do të fryjë mesatare deri e fortë duke arritur shpejtësinë maksimale 55 km/h nga drejtimi Verilindor; duke sjellë në brigjet detare dallgëzim 4 ballë.
