Qarku i Kukësit do të nxjerrë tre deputetë nga zgjedhjet e 11 majit, ku dy i takojnë Partisë Demokratike dhe një Partisë Socialiste.
Nga koalicioni PD-ASHM, kandidati Flamur Hoxha futet automatikisht, pasi është në listën e mbyllur, ndërsa drejt rikonfirmimit të mandatit është deputeti Isuf Çelaj, i cili ka marrë shumicën e votave preferenciale.
Deri tani, Isuf Çelaj ka marrë 6588 vota, i ndjekur nga kandidati jetër Shkëlqim Shehu me 4072 vota dhe Elvira Peka me 2363 vota.
Ndërsa nga radhët e Partisë Socialiste në Kukës fiton mandatin Eduard Shalsi, i cili si drejtues qarku ishte ne listen e mbyllur.
