Është ndërprerë numërimi i votave në Fier në KZAZ 60. Raportohet se procesi i numërimit të votave në këtë KZAZ do të rifillojë nesër në orën 8:00 të mëngjesit.
Në Fier, pas numërimit të 185 qendrave të votimit, rezulton se Partia Socialiste kryeson me një diferencë të madhe. Ndërsa, koalicioni Partia Demokratike, Aleanca për Shqipërinë Madhështore (PD-ASHM) ka marrë 12384 vota, që janë 25.42% e totalit.
Pas PS dhe PD, partia që ka marrë më shumë vota është Koalicioni Nisma Shqipëria Bëhet me 2056 vota ose 4.22%.
Pjesa tjetër e votave është shpërndarë mes subjekteve të tjera, ku Partia Mundësia ka marrë 1286 vota, ose 2.64 %. Sakaq Lëvizja Bashkë ka marrë 510 vota, Lëvizja Atdheu ka siguruar 76 vota, dhe Koalicioni Euroatlantik ka marrë 326 vota.
Të tjera parti të vogla si Partia Aleanca Kombëtare Shqiptare, Aleanca Demokracia e Re dhe Koalicioni Djathtas për Zhvillim kanë siguruar një numër të vogël votash, përkatësisht 18 dhe 572 vota. Partia Socialdemokrate e Tom Doshit (PSD) ka marrë 796 vota.
