Gazetari Andi Tela deklaroi në emisionin “Të Paekspozuarit” në MCN TV se përkundër sondazheve që tregonin pakënaqësi të lartë ndaj qeverisë, Partia Socialiste arriti rritje në shumicën e qarqeve për shkak të presionit të administratës dhe sistemit të patronazhimit.
Ai tha se ky ndikim pengoi votën për partitë e reja dhe ndihmoi transferimin e votave nga PD drejt PS-së.
“Nëse do të shohim rezultatin e sondazheve shohim që nuk ka shumë ndryshim nga ato rezultati i votave. Kur pyeteshin qytetarët nëse do i zgjidhte kjo qeveri problemet e tyre, ata ishin 70% që kjo qeveri nuk i zgjidh dot.
Në këtë rast ne kishim alternativa dhe ishte mendimi që të paktën të pengohej që PS të merrte më pak se 70 mandate dhe të shkonte vota te partitë e reja. Kjo nuk ndodhi sepse ne kemi 200 mijë punëtorë që punojnë në shtet, s’po them herë 4 me familjarët e tyre.
Ishte presioni i administratës dhe institucioneve shtetërore për përgatitje listash e patronazhim me lista që do të votonin për PS. Gjithë ky presion i ka hequr mundësinë dhe partive të vogla që të votonin ato.
Në shohim në raport me 2021 kemi rritje të PS në çdo qark, në përjashtim të Kukësit ku ka hyrë PSD dhe atje ka ulje PS. Nëse ti sheh ku i merr PS këto vota janë të PD që ndahen te PS dhe te partitë e vogla.”- tha Tela.
