Raste të shumta janë konstatuar gjatë votimit të sotëm për zgjedhjet parlamentare të fotografimit të votës, në Elbasan Tiranë dhe Librazhd, teksa rasti më i fundit vjen nga Këlcyra.
Policia e Gjirokastrës bën me dije se ka arrestuar një 30-vjeçar, shtetasin M.P. nga Këlcyra, i cili gjatl votimit rreth orës 15:00 dyshohet se ka fotografuar votën.
“Strukturat e Posaçme për Hetimin e Krimeve Zgjedhore në DVP Gjirokastër, në drejtimin e Prokurorisë së Gjirokastër, arrestuan në flagrancë shtetasin M. P., 30 vjeç, banues në Këlcyrë, për veprën penale “Shkelja e fshehtësisë së votimit”. Ky shtetas rreth orës 15:00, në qendrën e votimit nr 4165/01, në Këlcyrë, gjatë procesit të votimit, dyshohet se ka fotografuar fletën e votimit”, njofton policia e Gjirokastrës.
