Olta Xhaçka mbajti një fjalim mbrëmjen e djeshme në mitingun përmbyllës të PS i cili ishte i mbushur me servilizma ndaj Edi Ramës, i cili i shpëtoi edhe mandatin sesionin e kaluar parlamentar, duke refuzuar Gjykatën Kushtetuese dhe Komisionin e Venecias.
Gjatë fjalimit të Xhaçkës, Erion Braçe ka bërë mimika të çuditshme, që duket se as vetë socialistët nuk i besojnë fjalët e saj.
Përmes një reagimi në rrjetin social Instagram, Braçe thotë se mimikat e tij të cilat u bënë virale nuk kishin të bënin me Xhaçkën apo me atë që po thoshte ajo, por ishte një shenjë bezdie ndaj kamerave që, sipas tij, i kishin shkuar pranë fytyrës.
Reagimi i Erion Braçes:
“Po pse duhet të jetë kaq e shëmtuar gazetaria?!
Zgjodha veç këta dy televizione lajmi sepse mbajne edhe emrat A2 CNN dhe EURONEWS;
Pra një standard tjetër dhe “lajmi” që prodhojnë është ky dhe kaq i shemtuar.
Nuk kishte asgje ne reagimin tim te lidhur me fjalen e koleges Olta Xhacka;
Me erdhi kamera para fytyres dhe i kam reaguar totalisht kameras e kameramanit pas saj:
Nuk e doja e as e dua ate vemendje!!
Kaq e thjeshte!
Dhe po kaq thjeshte prodhohet nje gje kaq e shemtuar e qe realisht nuk ka lidhje me te verteten e qe te ben te ndihesh vertet keq!”
