Pas 11 majit, në rast se Sali Berisha zgjidhet kryeministër atëherë do të hiqen të gjithë trarët në rrugët me koncesion që po “shkundin nga xhepat” qytetarët shqiptarë.
Ky është zotimi i Partisë Demokratike me qëllim që qytetarët mos paguajnë asnjë kacidhe kur të kalojnë në Rrugën e Kombit.
Kandidati demokrat, Andi Mustafaj premton se më 12 maj trau në Kukës do të hiqet dhe qytetarët do të lëvizin pa pagesë nga Shqipëria në Kosovë dhe anasjelltas.
“Ky trau që na ndan më 12 maj nuk do të jetë më. Ecim me 1-shin. Voto Partinë Demokratike”, premton Mustafaj, teksa publikon video nga trau në Kukës.
