Një ditë pas natës sensacionale të Champions ku Interi mundi Barcelonën dhe arriti në finalen e dytë të këtij kompeticioni në tre vitet e fundit, Denzel Dumfries komentoi performancën e jashtëzakonshme në “Meazza” përmes kanaleve zyrtare të UEFA-s:
“Ishte fantastike të luanim këto dy ndeshje, trembëdhjetë gola në dy gjysmëfinale, nuk e di nëse ka ndodhur ndonjëherë më parë. Dy ekipe të shkëlqyera, një betejë gladiatorësh deri në fund dhe jemi krenarë që jemi në finale.
Në pjesën e parë dolëm mirë nga presioni, në të dytën jo. Barcelona ka cilësi të shkëlqyera individuale, por luftuam deri në fund. Besuam dhe ishte një takim midis dy ekipeve me një nivel shumë të ngushtë, nuk e di se çfarë bëri diferencën. Do të shohim se me kë do të përballemi në finale”, tha Dumfries.
