Kryeministri kanadez Mark Carney zhvilloi takimin e tij të parë zyrtar në Shtëpinë e Bardhë me Presidentin amerikan Donald Trump.
Takimi, i cili u zhvillua në një klimë të ngarkuar politike, u shënua nga shkëmbime të sikletshme deklaratash, por edhe sinjale për thellim të partneritetit mes dy vendeve.
Pikëpamja e kanadezëve për t’u bërë shteti i 51-të i SHBA-së “nuk do të ndryshojë”, tha kryeministri i Kanadasë, Mark Carney.
Por më tej ai shton se “vetëm koha do ta tregojë” dhe “kurrë mos thuaj kurrë”. “Do ta shohim me kalimin e kohës se çfarë do të ndodhë”, tha Trump.
Gjatë takimit me presidentin amerikan, Donald Trump, Carney tha se Kanadaja është “klienti më i madh i SHBA-së”.
“Ne kemi një sektor automobilistik të jashtëzakonshëm midis nesh. Nuk ka asnjë gjë që mund ta detyrojë SHBA-në të heqë tarifat. Ky është një diskutim më i madh që do të kërkojë kohë dhe më shumë biseda”, shtoi më tej ai.
Ndërkohë që Trump tha se SHBA-të “gjithmonë” do ta mbrojnë Kanadanë dhe shton se “nuk është çështje parash”.
Në fund të takimit, Trump përmendi përkushtimin në rritje të Kanadasë ndaj NATO-s dhe investimet në sektorin e mbrojtjes, duke e cilësuar këtë si një hap pozitiv në marrëdhëniet dypalëshe.
