Bayern Munich feston nga “divani” titullin kampion të Bundesligës, të 34-tin në histori.
Bavarezët barazuan 3-3 të shtunën me RB Leipzig, por barazimi 2-2 i ndjekësve të Leverkusen kundër Freiburg ka bërë që skuadra e Kompany të fitojë titullin dy javë para fundit të sezonit.
Kështu, Bayer Leverkusen zbret nga froni dhe kampioni i Bundesligës për sezonin 2024-25 është Bayern Munich. Dominim bavarez këtë sezon, ne Bayern që për momentin mban kreun me 76 pikë pas 32 javësh.
23 fitore, 7 barazime dhe vetëm 2 humbje për skuadrën e Kompany që duket se do fillojë festën për një trofe të merituar.
Ekipi bavarez është edhe skuadra që ka shënuar më shumë, 93 gola, si dhe ka pësuar më pak 32 gola këtë sezon.
Ky trofe ka një vlerë të madhe edhe për Harry Kane, sulmuesin kryesor të Bayern Munich që fiton titullin e parë kampion me një ekip. Sulmuesi 31-vjeçar ka kontribuar me 24 gola dhe 9 asiste në Bundesligë.
