Gazment Bardhi ka reaguar pas deklaratave të Belinda Ballukut e cila dukej se ishte shqetësuar për ato ç’ka tha Sali Berisha në Fier. Bardhi shprehet se “Balluku ka shastisur një SPAK të tërë dhe tani na bën si e virgjër nga firma”.
Bardhi e ka akuzuar Ballukun se është më shumë e preokupuar me vetveten dhe trajtimin që do të marrë, ndërsa injoron problemet e mëdha financiare dhe abuzimet që kanë ndodhur gjatë periudhës së kaluar.
Bardhi i ka rikujtuar Ballukut disa nga aferat më të mëdha korruptive, duke theksuar humbjen e miliona eurove në projekte të ndryshme, dhe ka kërkuar që ajo të përballet me pasojat e veprimeve të saj.
Në fund, Bardhi i sugjeron Ballukut ti lutet Zotit kur ti vijë radha për të zënë qelinë në burgun e grave në Pojskë!
Postimi i plotë:
Qenka shastisur Ms. BelaMafia nga fjalimi i Sali Berishës në Fier! O Belinda, po ti ke shastisur një SPAK të tërë dhe na bën si e virgjër nga firma.
Ç’nuk ka gjetur SPAK nëpër telefona për Ms. BelaMafian dhe kjo shastiset pse ne do të trajtojmë njësoj me status si minatorët, dhe naftëtarët!
Sa për aperitiv fundjave këto:
50 milionë euro të avulluar tek Tuneli i Llogarasë
180 milionë euro të djegura për shitblerjen e energjisë
45 milionë euro të djegura me “Tigri 1” dhe “Tigri 2”
70 milion euro korrupsion për impiantin e trajtimit të ujërave të zeza në Tiranë.
Ms. BelaMafia, lëre Zotin rehat sonte. Thirre në ndihmë, kur të të vijë radha për të zënë qelinë në burgun e grave në Pojskë!
