Policia e Tiranës ka arrestuar në zonën e Astirit një person të armatosur me psitoletë.
Në kuadër të operacionit të koduar “Trigger” është vënë në pranga shtetasi D. S., 37 vjeç, banues në Lezhë, i dënuar më parë për vjedhje.
Blutë e kryeqytetit raportojnë se 37-vjeçari është kapur në Astir, duke lëvizur me këmbë, me një armë zjarri pistoletë me fishek në fole, të cilën e mbante në çantë. Arma është sekuestruar nga uniformat blu.
Materialet procedurale i janë referuar Prokurorisë së Tiranës për veprime të mëtejshme, për veprën penale “Mbajtja pa leje dhe prodhimi i armëve, armëve shpërthyese dhe municionit”.
