Egnatia nuk ia doli të triumfonte për herë të tretë radhazi në Kupën e Shqipërisë, teksa u mposht në finale nga Dinamo me penallti.
Në prononcimin e dhënë pas ndeshjes për mikrofonin e “RTSH”, trajneri i skuadrës rrogozhinase, Edlir Tetova, deklaroi se skuadra e tij ishte superiore ndaj bluve ndërsa shtoi se Egnatia shpërdoroi shumë raste.
“Penalltitë kështu janë 50 me 50, shansi ishte me ata. Nuk e merituam kështu, ishim superiorë, shpërdoruam shumë raste. Ekipi meritonte më shumë, nuk është e thënë që në një finale të fitojë ekipi që luan më mirë. Duhet ta lemë pas krahëve këtë humbje sepse të hënë janë gjysmëfinalet.
Mund të ishte edhe tension. Në pjesën e parë, lojtarët ishin të nxittuar tek korast dhe pasi i fundit. Pjesën e dytë e rregulluam. Në fund Dinamo ishte ngjeshur e gjitha në 25 metrat.
Në momentin që kërkon fitoren, nuk doja ta çoja lojën me penallti. Çdo trajner e di pikën e dobët të skuadrës së tij. Është hera e tretë që humbim me penallti. I kemi punuar, por duhet të jemi të vëmendshëm. Rrezikova ta mbyllnim lojën brenda 120 minutave, por kjo nuk ndodhi. – tha ai.
