Një 71-vjeçar ka humbur jetën mëngjesin e sotëm rreth orës 01:55, në aksin rrugor “Memaliaj-Krahës”, në afërsi të fshatit Qesarat.
Sipas policisë, shkak i aksidentit ka qenë dalja nga rruga e motomjetit që drejtohej nga shtetasi Sh.S., 71 vjeç, banues në fshatin Toç, duke shkaktuar vdekjen e tij menjëherë.
“Rreth orës 01:55, në aksin rrugor Memaliaj-Krahës, në afërsi të fshatit Qesarat, motomjeti që drejtohej nga shtetasi Sh.S., 71 vjeç, banues në fshatin Toç, ka dalë nga rruga. Si pasojë e daljes nga rruga 71-vjeçari ka humbur jetën në vendngjarje.Grupi hetimor ndodhet në vendngjarje dhe po punon për sqarimin e rrethanave të ngjarjes”, njofton policia.
