Patatja është e vetmja kulturë bujqësore që kultivon zona e Stëblevës në Librazhd. Rreth 1 mijë ton prodhim i fermerëve ka mbetur stok në kavaletat e vendosura në ara.
Patatja e Stërblevës edhe pse njihet për vlerat e saj serish për shkak të mungesës së tregut ka ngel pa shitur. Të gjithë fermerët e zonës ankohen jo vetëm për mungesë tregu por edhe për çmimin dhe abuzimin që tregtarët bëjnë me këtë patate.
“Kemi prodhuar 400 kuintal, gati 100 e ca kuintal i kemi pa shit. Pse? S’ka treg. Sa shkon çmimi? Me 40 ka rënë qe ne vjeshtë me 50 tani e shohin që nuk shkon se ka hyrë nga jashtë dhe ka vajtur me 40”, thotë një zonjë.
Fermerët e kësaj zone kanë nevojë për një pikë grumbullimi, ndërsa shtojnë se tregtarët abuzojnë me etiketën “patate Stëbleve”.
“Hyn shumë nga jashtë dhe prishet, nuk e marrin me tregtarët, nuk ka kërkesa shumë. Ky është risku, s’ka fitim. Ka tregtarë që nuk vijnë fare këtu, janë nga Fieri nga Lushnja dhe i shesin si patate Stërbleve dhe prishin tregun”, shprehet një tjetër.
Sipas fermerëve, patatja e Stëblevës është cilësore për shkak të tokës ku mbillet dhe qëndrimit të gjatë në tokë./EuronewsAlbania
