Një hajdut serial është arrestuar nga policia e Tiranës. ‘Blutë’ bëjnë me dije se kanë arrestuar një 30-vjeçar që dyshohet se ka vjedhur 3 celularë dhe një shumë parash në 2 dyqane, 1 monopatinë, një market, si dhe ka tentuar të vjedhë në 2 subjekte të tjera.
Ndësa vijojnë hetimet për të zbardhur vjedhje të tjera që mund të ketë kryer 30-vjeçari
“Si rezultat i hetimeve të kryera me qëllim zbardhjen e vjedhjeve të denoncuara nga qytetarë ose administratorë subjektesh, gjatë këtij muaji, shërbimet e Komisariatit të Policisë Nr. 2 finalizuan operacionin policor të koduar “April”.
Gjatë operacionit u vu në pranga shtetasi T. H., 30 vjeç, banues në Skrapar.
Nga hetimet dyshohet se ky shtetas ka vjedhur 3 celularë dhe një shumë parash në 2 dyqane, 1 monopatinë, një market, si dhe ka tentuar të vjedhë në 2 subjekte të tjera.
Punohet për të zbardhur vjedhje të tjera që mund të ketë kryer 30-vjeçari”, thuhet në njoftimin e policisë.
Materialet procedurale iu referuan Prokurorisë së Tiranës, për veprime të mëtejshme.
