Kryeministri Edi Rama nga Roskoveci ka vijuar me gjuhën denigruese jo vetëm ndaj burrave por edhe grave.
Kreu i qeverisë e nisi fjalën e tij duke thënë se “me disa burra jam futur në konflikt, ça të bëj unë që Roskoveci është burrë, por kush e ka bërë kështu është grua”.
Rama po ashtu kishte diçka edhe për kryetaren e bashkisë Majlinda Bufi, të cilën e quajti “shtrigë që i duhej qytetit”.
“Forca përpara, edhe njëherë shumë respekt dhe komplimente për kryetaren e bashkisë tuaj, një shtrigë që i është dashur kaq shumë këtij qyteti, saqë mjafton të shohësh rreth e rrotull dhe e kupton që vetëm një shtrigë mund ta bënte këtë qytet. Nuk rrija dot pa e thënë edhe këtë”, tha Rama.
