Pogradeci ka mposhtur 1-0 Besën në “Elbasan Arena” në finalen e Play Off-it të Kategorisë së Parë.
Një gol i bukur i shënuar nga Alidema direkt nga goditja e dënimit në pjesën e parë ka vulosur këtë fitore të çmuar të liqenorëve.
Skuadra e drejtuar nga Ardian Mema e mbrojti si duhet rezultatin në pjesën e dytë. Besa e Çelës nuk ia doli të barazojë pavarësisht disa rasteve të mira.
Ndonëse mbyllën sezonin e rregullt në vendin e 5-të, djemtë e Ardian Memës arritën që të eliminojnë fillimisht Burrelin dhe më pas Besën në ndeshjet e Play Off-it.
Tashmë Pogradeci do të ketë përballë Tiranën në një sfidë ku fituesi do të luajë në elitën e futbollit shqiptar sezonin e ardhshëm.
Përfundon këtu ëndrra e Besës për tu rikthyer në elitë. Kavajasit ndonëse kishin pritshmëri të mëdha këtë sezon, nuk arritën që të ngjiteshin mes më të mirëve të futbollit shqiptar.
