Kandidati i koalicionit PD–ASHM për qarkun e Tiranës, Ethem Aga shkruan në rrjetet sociale se Shqipëria, nën drejtimin e Edi Ramës, renditet si një ndër vendet me çmimin më të lartë të naftës në botë.
Aga thekson se me ardhjen e PD-së në pushtet, çmimi i naftës do të ulet me 40%, duke lehtësuar barrën ekonomike për qytetarët dhe bizneset shqiptare.
Sipas tij, ulja e çmimit të naftës do të ndikojë tek fermerët, familjarët dhe kompanitë.
Postimi i plotë:
PD–ASHM angazhohet për një ulje të menjëhershme prej 40% të çmimit të naftës, duke lehtësuar barrën ekonomike për qytetarët dhe bizneset shqiptare.
Përfitime të drejtpërdrejta:
Fermerët: Ulja e kostove të prodhimit bujqësor.
Familjet: Reduktim i shpenzimeve të përditshme për transport.
Kompanitë: Rritje e konkurrencës përmes uljes së kostove logjistike.
Nën drejtimin e Edi Ramës, Shqipëria renditet ndër vendet me çmimin më të lartë të naftës në botë.
Kjo situatë rëndon ndjeshëm mbi ekonominë e familjeve dhe bizneseve shqiptare, duke ndikuar negativisht në fuqinë blerëse dhe mirëqenien e qytetarëve.
PD–ASHM është e përkushtuar për të sjellë politika që vendosin interesat e qytetarëve në qendër, duke garantuar një ekonomi më të drejtë dhe të qëndrueshme për të gjithë.
