Një shqiptar është arrestuar në Perugia pasi u kap me 40 kilogramë kokainë. Ai kishte edhe 189 mijë Euro të fshehura me vete.
Siç shkruajnë mediat italiane, patrullat e policisë dyshuan mbi makinën ku udhëtonte shqiptari pasi e ndryshonte shpejtësinë në mënyrë të çuditshme.
Pasi i kërkuan që të ndalonte mjetin, shqiptari ka qenë nervoz dhe dha shpjegime që nuk ishin të besueshme. Kjo bëri që policët të ushtronin kontroll në makinën e tij.
Gjatë verifikimeve, ata vunë re një dysheme të dyfishtë nën sediljen e pasagjerit. Aty ndodheshin 39 pako me kokainë si dhe sasia e parave.
Sipas asaj që raportojnë mediat, vlera e drogës së sekuestruar llogaritet rreth 4 milionë euro nëse do dilte në treg. Sa i përket shqiptarit autoritetet italiane nuk e kanë bërë të ditur emrin e tij.
