Teksa dukej se Dinamo po shkonte drejt një kualifikimi të qetë në finalen e Kupës së Shqipërisë, Vllaznia ka bërë çmendurinë duke realizuar 3 gola të shpejtë duke shkurtuar në 4-3 shifrat.
Fillimisht shënon Gruda në minutën e 71-të. Top në thellësi të cilin Rufati nuk e kontrollon dhe Gruda përfiton, duke dalë para Teqjes dhe mposhtur atë.
8 minuta më pas shënon Balaj. Harkim perfekt i Kahrimanoviç në zonë për Balajn i cili me kokë shënon një tjetër gol për shkodranët.
Goli i tretë dhe që hapi plotësisht çështjen e kualifkimit u shënua nga Kahrimanoviç në minutën e 85-të.
Harkim nga e djathta në zonë, Kahrimanoviç gjen rrjetën me një kthesë të shpejtë.
