Është luajtur ditën e sotme java e 33 dhe e fundit e Kategorisë së Parë, ku janë dhënë dhe verdiktet finale.
Ekipi i Flamurtarit ka arritur të fitojë me rezultatin 0-1 kundër Vorës, duke u rikthyer pas 5 vitesh në Kategorinë Superiore.
Goli i vetëm i sfidës u shënua nga Ememe në pjesën e parë, teksa Vora në ndeshjen e sotma ka ngritur dhe trofeun e kampiones së Kategorisë së Parë, të cilin e kishte siguru para 3 javësh.
Në ndeshjen tjetër, Besa arriti të fitonte me rezultatin 1-3 përballë Valbonës, por fitorja e Flamurtarit ia bëri të pavlefshme, pasi ngelet në vendin e tretë dhe për t’u futur në Superiore do e provojë nga “play off-i”. Golat për kavajasit u shënuan nga Migone, Greca dhe Nonato.
Derbi i Myzeqesë mes Apolonisë dhe Lushnjës u mbyll me rezultatin e bardhë 0-0, ku fierakët arrijnë të mbajnë vendin e 6 që të luftojnë në “play off”, ndërsa Lushnja ngelet jashtë.
Në ndeshjet e tjera, Burreli arriti të fitonte 1-2 përballë Kukësit, ndërsa Kastrioti 2-3 përballë Erzenit, teksa Korabi mposhti me rezultatin 3-0 Pogradecin.
Veç Besës dhe Apolonisë, në “play off” e kishin siguruar një vend edhe Burreli me Pogradecin, teksa ekipi që del fitues nga “play off”, do të përballet me skuadrën e vendit të tetë në Superligë.
Nga Kategoria e Parë ranë direkt në Kategorinë e Dytë Valbona dhe Erzeni, ndërsa Kukësi dhe Kastrioti do të bëjnë ‘play-out’ për të siguruar qëndrimin.
Verdiktet e sezonit 2024-25 në Kategorinë e Parë
Skuadra kampione: Vora
SKuadra e vendit të dytë që sigurio ngjitjen: Flamurtari
Skuadrat që do të jenë në play-off: Besa, Burreli, Pogradeci dhe Apolonia
Skuadrat që do garojnë në play-out: Kastrioti, Kukësi
Skuadrat e rrëzuara nga Kategoria e Parë: Valbona, Erzeni
REZULTATET E JAVËS SË 33 TË KATEGORISË SË PARË
APOLONIA-LUSHNJA 0-0
ERZENI-KASTRIOTI 2-3
27′ Isteri, 63′ Tahiri / 52′ Lushaku, 70′, 81′ Musaj
VORA-FLAMURTARI 0-1
33′ Ememe
KUKËSI-BURRELI 1-2
82′ Birçaj / 3′ Paloka, 50′ Ferruku
KORABI-POGRADECI 3-0
35′ Disha, 43′, 53; Marku
VALBONA-BESA 1-3
77′ Vidrica / 45′ Migone, 68′ Greca, 75′ Nonato
RENDITJA
