Neymar Junior nuk po mundet të gjejë dot qetësi as këtë vit me rikthimin tek Santosi. Ish-ylli i Barcelonës dhe PSG-së, ka pësuar një tjetër dëmtim dy ditë më parë në kampionatin brazilian.
Pasi u rikthye nga një dëmtim prej disa ndeshjeve, 33-vjeçari pësoi një tjetër dëmtim në fushën e lojës. Siç bën të ditur klubi i Santosit, Neymar do të mbetet jashtë fushave të lojës për të paktën 4-6 javë.
Sulmuesi i Santosit ka ndjerë një shqetësim në kofshën e tij të majtë, iu nënshtrua testeve mjekësore që i nxorrën në pah këtë dëmtim. Sulmuesi brazilian u pa i përlotur duke lënë fushën.
