Autoritetet policore kanë gjetur mëngjesin e sotëm një automjet të djegur në fshatin Gjormë të Kurbinit.
Mjeti dyshohet se është përdorur nga atentatorët në atentatin e regjistruar mbrëmjen e djeshme në fshatin Pllanë të Lezhës, ku u ekzekutua 64-vjeçarit Gjovalin Prendi, babai i Roan Brahimit alias Sidorel Prendit, i cili është vrarë në Maj të vitit të kaluar në Athinë.
Siç shihet edhe nga pamjet, automjeti është djegur në afërsi të disa shkurreve, teksa ka qenë i shkrumbuar totalisht dhe do të jetë e vështirë për të gjetur gjurmë.
Nga vendi ku kanë djegur makinën, atentatorët dyshohet se janë ndihmuar nga persona të tjerë, për t’u larguar me mjet tjetër në drejtim të paditur.
Gjovalin Prendi u ekzektua teksa ndodhej në lokalin e tij. Një automjet tip “Porsche” ka ndaluar para biznesit dhe prej andej kanë dalë dy persona të maskuar, ku njëri ka qëlluar nga një distancë e afërt me breshëri kallashnikovi.
Pista kryesore e hetimeve është ajo e hakmarrjes, për shkak të përfshirjes së djalit të tij në disa ngjarje kriminale.
