Sekretari amerikan i Mbrojtjes Pete Hegseth i kërkoi Francës të rrisë shpenzimet e saj ushtarake dhe, në bashkëpunim me anëtarët e tjerë të NATO-s, të marrë një rol udhëheqës në mbrojtjen e Evropës me armë konvencionale, tha një zëdhënës i Pentagonit në një deklaratë.
Deklarata e zëdhënësit të Pentagonit Sean Parnell u bë publike pasi sekretari amerikan i Mbrojtjes Pete Hegseth u takua me homologun e tij francez Sebastien Lecorni në Uashington.
Parnell tha se të dy ministrat diskutuan gjithashtu përpjekjet për të arritur një “paqe të qëndrueshme” në Ukrainë, pa hyrë në detaje të mëtejshme.
