Lëvizja Bashkë e udhëhequr nga Arlind Qori ka vijuar takimet elektorale në Tiranë.
Qytetarët u treguan aktivistëve të Lëvizjes Bashkë nevojën e madhe historike e shoqërore për ndryshim: një shtet kompetent me institucione të fuqishme e të pavarura për të luftuar korrupsionin; të drejta në punë e pensione dinjitoze; sipërmarrje e lirë në vend të oligarkisë grabitqare; strehim i përballueshëm dhe infrastrukturë moderne.
Lëvizja Bashkë shprehet në një postim në Facebook se të gjitha këto aspekte janë jo vetëm pjesë e programit të Lëvizjes BASHKË, por edhe udhërrëfyes konkret i veprimtarisë së tyre brenda Kuvendit të ardhshëm të Shqipërisë.
Postimi i plotë:
ASGJË S’MUND TË NA NDALË
Pavarësisht rreshjeve të shiut, qytetarët e lagjes së Ali Demit iu përgjigjën thirrjes së Lëvizjes BASHKË për të diskutuar mbi problemet e përbashkëta të qytetit dhe të vendit. Të rinj e pensionistë, profesionistë e punëtorë ngritën zërin bashkë me përfaqësuesit e Lëvizjes BASHKË për varfërinë, korrupsionin, degradimin e shërbimeve publike dhe padrejtësitë e shumanshme.
Folësit e shumtë theksuan nevojën e madhe historike e shoqërore për ndryshim: një shtet kompetent me institucione të fuqishme e të pavarura për të luftuar korrupsionin; të drejta në punë e pensione dinjitoze; sipërmarrje e lirë në vend të oligarkisë grabitqare; strehim i përballueshëm dhe infrastrukturë moderne.
Të gjitha këto aspekte janë jo vetëm pjesë e programit të Lëvizjes BASHKË, por edhe udhërrëfyes konkret i veprimtarisë sonë brenda Kuvendit të ardhshëm të Shqipërisë.
Faleminderit bashkëqytetarë!
