Policia e Kuçovës ka arrestuar një person të shpallur në kërkim tre ditë më parë, pasi akuzohet për rastin e ë kultivimit të bimëve narkotike kanabisi, në fshatin Mendrak, në vitin 2021.
Në pranga është vënë shtetasi Ervin Muça, 34 vjeç, banues në Tiranë. Për kultivimin e kanabisit, ai dyshohet se ka bashkëpunuar me shtetasin Shaqir Helmi, i cili u arrestua para 3 ditësh (13 prill) dhe shtetasin B. Ll., i cili është ende në kërkim.
“Ky shtetas, dyshohet se në bashkëpunim me shtetasit Sh. H. (vënë në pranga më datë 13.05.2025) dhe B. Ll. (aktualisht në kërkim), ka kultivuar në vitin 2021, bimë narkotike Cannabis Sativa, në fshatin Mendrak. Vijon puna për kapjen e shtetasit B. Ll..” – njofton Policia.
Materialet procedurale i janë referuar Prokurorisë së Beratit për veprime të mëtejshme.
