Kreu i Komisionit Qendror të Zgjedhjeve, Ilirjan Celibashi ka njoftuar se votimi jashtë vendi ka nisur. Më tej Celibashi thekson se sot në Erlangen në Gjermani është marrë fleta e votimit nga KQZ për një zgjedhës jashtë vendit.
Ai shkruan se fleta e votimit ka arritur në orën 07:15 për një zgjedhës nga qarku i dibrës i cili jeton në Gjermani. Celibashi e ka cilësuar si një hap të rëndësishëm për përfshirjen e shqiptarëve në procesin e zgjedhjeve të 11 majit.
“Votimi nga jashtë ka nisur! Sot, në orën 07:15, zgjedhësi i parë nga jashtë vendit, me vendbanim në Erlangen, Gjermani dhe votues në qarkun Dibër, ka marrë fletën e votimit nga Komisioni Qendror i Zgjedhjeve!
Ky është një hap i rëndësishëm për përfshirjen e qytetarëve shqiptarë jashtë vendit në procesin demokratik të Zgjedhjeve të 11 Majit 2025,” shkruan Celibashi.
