Pas një nate festive dhe plot emocione, ku Egli dhe Gjesti kurorëzuan dashurinë e tyre me një dasmë tradicionale brenda shtëpisë së Big Brother VIP Albania, mëngjesi nisi me humor dhe batuta midis çiftit.
Egli, sapo u zgjua, u drejtua për në dush, ndërsa Gjesti, ende i shtrirë, e ndoqi me sy dhe nuk kurseu komentet plot ironi. Me ton shakaje, ai i tha: Qysh? Çfarë gruaje je ti, a burri është tmerr.
Duke vijuar me të njëjtin humor, Gjesti i bëri një ‘ankesë’ simbolike Eglit për mungesën e përkujdesjes pas dasmës: As kafenë s’ma ke bërë, asgjë. Krejt vetë i bëra. Asgjë nuk ndryshoi në jetën time. Vetë prapë, vetë. Jo, more vëlla.
Pak më vonë, ai afrohet te dera e dushit, fut kokën brenda dhe kërkon një puthje, të cilën Egli ia jep mes të qeshurave dhe përkëdheljeve të ndërsjella.
Megjithatë, Gjesti vazhdon lojën me të njëjtin humor të njohur, duke shtuar: Asgjë nuk ndryshoi në jetën time, jeta prapë vazhdoi. As kafe… Kështu nuk shkon. Krejt ata dëshmitarë le ta dinë, s’është duke shkuar mes nesh.
Ky moment shkaktoi reagime të menjëhershme në rrjetet sociale, ku fansat u argëtuan nga batutat spontane të Gjestit dhe e interpretuan si një mënyrë të këndshme e të dashur për të ngacmuar Eglin pas ceremonisë së tyre simbolike.
