Detajet që kanë dalë nga hetimet e kryera nga Prokuroria Publike e Milanos për çështjen e basteve po tronditin sërish botën e futbollit në Itali.
Në fakt, janë përfshirë disa futbollistë të Serisë A, mes të cilëve Nicolò Fagioli dhe Sandro Tonali, të cilët u pezulluan sezonin e kaluar.
Ministri i Sportit dhe Rinisë, Andrea Abodi, ka folur sot për këtë temë në Il Messagero. Ai ka hedhur idenë e largimit nga Kombëtarja katër herë kampione e botës e lojtarëve, të cilët janë të përfshirë në çështjen e basteve jo të ligjshme.
“Fanella e kaltër duhet të jetë shprehje e vlerës teknike, por edhe e sjelljes morale, e cila madje duhet t’i paraprijë. Nuk mjafton të shënosh gola. Nëse shkel rregullat parimore, duhet të shkosh përtej sanksionit. Thirrjen në kombëtare e shoh si një çmim të gjithanshëm.
Të mos luash për blutë nuk do të thotë të mos merresh më me sport, por ta bësh atë në një mënyrë tjetër. Është një vlerësim që duhet bërë. Edhe marrëveshja e pranimit të fajësisë presupozon një marrje përgjegjësie për të ardhmen. Mendoj se është interesante që ka një pjesë të rehabilitimit përmes shërbimeve sociale. Këta lojtarë duhet ta njohin jetën pak më mirë”. – ka thënë ai.
