Janë ende dhe dy javë për t’u zhvilluar në Kategorinë Superiore, por ende nuk janë vendosur verdiktet.
5 skuadra janë në një luftë të ashpër për mbijetesën në elitën e futbollit shqiptar, ndërsa dy Elbasani dhe Partizani po luftojnë se kush do të jetë ekipi i fundit që pret biletën në “Final 4”.
Ekipi i Tiranës ka dy javë tepër të vështira ku do të përballet me Teutën dhe Dinamon. Ekipi bardheblu arriti të merrte një barazim javën e fundit ndaj Skënderbeut në Korçë, por mbijetesa është ende në lojë.
Bardheblutë nuk kanë arritur asnjë fitore ndaj Teutës dhe Dinamos në 6 ndeshje të luajtura. Ndaj dinamovitëve, Tirana është mposhtur dy herë dhe kanë marrë një barazim, e njëjta gjë ka ndodhur edhe ndaj Teutës.
Tirana pozicionohet në vendin e 8-të me 36 pikë, po aq sa Bylisi i një vendi më poshtë dhe tre pikë më shumë se Laçi i vendit të fundit.
