Lëvizja BASHKË ka hapur fushatën ditën e sotme në qytetin e Fierit.
Në një postim në rrjete sociale, teksa kanë shpërndarë pamje nga salla plot mbështetës nga çelja e fushatës në Fier, Arlind Qori shkruan se e reja po lind në çdo padrejtësi që pëson populli shqiptar.
Ai shton më tej se e reja po lind te bujku që keqpaguhet dhe e çon dëm produktin bujqësor, te çdo punëtor i industrisë që ka ngelur pa punë, te çdo profesionist i lirë që nuk çan dot në treg, te çdo sipërmarrës i ndershëm që përballet me oligarkinë monopoliste, te çdo i ri dhe e re që sytë i kanë përtej kufirit dhe po ashtu, e reja po lind te çdo pensionist që vuan në varfëri.
Postimi i plotë:
E REJA PO LIND
Fieri, qyteti i industrisë, i kulturës e dijes, sot mikpriti hapjen e fushatës së Lëvizjes BASHKË.
E reja po lind në çdo padrejtësi që pëson populli shqiptar.
E reja po lind te bujku që keqpaguhet dhe e çon dëm produktin bujqësor.
E reja po lind te çdo punëtor i industrisë që ka ngelur pa punë.
E reja po lind te çdo profesionist i lirë që nuk çan dot në treg.
E reja po lind te çdo sipërmarrës i ndershëm që përballet me oligarkinë monopoliste.
E reja po lind te çdo i ri dhe e re që sytë i kanë përtej kufirit.
E reja po lind te çdo pensionist që vuan në varfëri.
E reja sot lindi në Fier! Së shpejti, anekënd Shqipërisë!
