Nga Kuvendi Kombëtar i PD-së ku po prezantohet programi politik i koalicionit PD-Aleanca pë Shqipërinë Madhështore”, Belind Këlliçi, ka hedhur akuza ndaj Belinda Balluku, ku tha se pasi gëlltiti 24 milionë euro për km, zv.kryeministrja i turret tokave të fermerëve për të gostitur të pangopurit e 5B me parqe fotovoltaike.
Ai shtoi se Balluku mban “Tigrin 1” dhe “Tigrin 3” në kafazin lundrues që vlen 100 milionë euro.
“Përse u përbuz tallavaja e sotme? Sepse Edi Rama u premtoi shqiptarëve Lubi Ballukun, e cila pasi gëlltiti 24 milionë euro për km, i turret tokave të fermerëve për të gostitur të pangopurit e 5B me parqe fotovoltaike.
Ndërsa për dëfrim mban tigrin 1 dhe tigrin 3 në kafazin lundrues që vlen 100 milionë euro“, tha ai.
Duke prezantuar programin, Këlliçi u shpreh se PD nuk është vetëm një forcë politike opozitare denoncuese e qendrestare, por sipas tij “alternative qeverisëse e besueshme”.
“Për cilindo që shfaq skepticizëm për programin tonë, ne ju themi se paratë janë këtu në këtë, burime, njerëzit punëtorë janë këtu. Ajo që mungon është vullneti për të ngritur në piedestal këtë vend. Dëshira për të qeverisur në mënyrë demokratike. Ndërhyrja e parë e PD-së është paketa e emergjencës”, tha ai
