Bayern Munchen dhe Borussia Dortmund barazuan 2-2 në “Allianz Arena”, ndeshje e vlefshme për javën e 29-të të Bundesligës.
Të dy ekipet vinin nga humbjet në mesjavë në Champions, por nëse bavarezët kanë ende shanse për të përmbysur shifrat, një gjë e tillë vështirë se mund të thuhet për verdhezinjtë.
Ndërsa në Bundesligë, Bayerni duhet ishte më i motivuar pas hapit fals të Leverkusenit, që barazoi pa gola në shtëpi ndaj Union Berlin. Përsa i përket takimit të sotëm, pjesa e parë u mbyll në barazim të bardhë.
Me fillimin e pjesës së dytë, Dortmundi zhbllokoi rezultatin falë golit të Maximilian Beier. 22-vjeçari shënoi me kokë pas krosimit të Reyerson.
Bavarezët nuk u dorëzuan dhe përmbysën shifrat brenda 3 minutave, fillimisht me Guerreiro në minutën e 65-të dhe më pas golin e dytë me Serge Gnabry në minutën e 68-të.
Në minutën e 75-të, erdhi goli i barazimit për verdhezinjtë me Anton. Shifrat nuk ndryshuan deri në fund. Pas këtij barazimi, Bayerni kryeson 6 pikë më shumë se Leverkusen e vendit të dytë, kur duhen edhe 5 javë nga fundi.
Dortmund renditet në vendin e tetë me 42 pikë, por ende ka shanse për një vend në Kupat e Europës për sezonin e ardhshëm.
