Autobusët e kompanisë ‘Green Line’ të Nadir Çaushollit, vijojnë të shkaktojnë probleme në linjën e ‘Unazës’, teksa një prej tyre ka marrë flakë ditën e sotme në afërsi të Ministrisë së Jashtme në Tiranë.
Në lidhje me këtë ka reaguar edhe deputeti socialist Erion Braçe, i cili deklaron se autobusët e Çaushollit janë të vjetër, ndotin pa fund dhe rrezikojnë jetën e udhëtarëve.
“Këta autobusët e tmerrshëm të Tiranës, që me thënë të drejtën jo vetëm që bllokojnë qarkullimin se janë nga 20 metra të gjatë, mbi të gjitha ndosin pa fund dhe rrezikojnë jetën e njerzëve si në këtë rast që ka marrë zjarr.
Këtë e ka shqetësim Tirana, e kam edhe unë në njësinë 5, vjetërsinë e këtyre mjetëve, që jo vetëm nuk ofrojnë shërbimin e transportit publik cilësor, mbi te gjitha ndosin pa fund dhe rrezikojnë jetën e njerzëve si në këtë rast”, thotë deputeti i PS-së.
View this post on Instagram
Por duket se Braçe në prag të zgjedhjeve është kujtuar për hallet e qytarëve, ndërkohë që problematika e urbaneve ka prej vitesh, por ai u kujtua vetëm sot, në ditën kur hapet fushata për zgjedhjet e 11 majit.
Qytetarët janë përballur shpesh herë me problematikat që ka kjo linjë, teksa kanë ndodhur edhe disa aksidente të rrezikshme, ku në një rast autobusi i ‘Green Line’ ra në Lanë dhe në një rast tjetër, një urban shakaktoi një aksident masiv në zonën e Shallvareve, ku regjistruan edhe disa të plagosur.
Por Braçe reagoi vetëm këtë herë, pasi kemi të bëjmë me muajin e fushatës, e cila e gjen deputetin veteran të PS në listën e hapur dhe rrezikon që të jetë jashtë Parlamentit për 4 vitet e ardhshme.
