Mark Samson, 23-vjeçari filipinas i arrestuar për vrasjen e 22-vjeçaresker shqiptare, Ilaria Sula, ka kërkuar nga avokati i tij që të ketë mundësi t’i kërkoj falje familjes së ish të dashurës së tij për krimin që kreu me anë të një letre.
Avokati i tij, Fabrizio Gallo, është shprehur se Mark do të kërkoj falje nga familja Sula, edhe pse e di që me siguri ata nuk do e falin dot kurrë.
Sipas avokatit, 23-vjeçari filipinas ka kërkuar që të jetë nëna e tij, e cila po ashtu ka ndihmuar të birin në krim dhe është marr nën hetim, që të përcjell ndjesën e tij për ngjarjen tek familja e Ilarias, pasi ai vetë nuk mundet.
“I thashë Markut që, për të vazhduar me mandatin tim mbrojtës, duhet të thotë të vërtetën e plotë, sepse ka ende shumë gjëra për t’u sqaruar dhe nëse kishte kuptuar sa e rëndë ishte ajo që kishte bërë.
Ai nisi të qante dhe më tha që donte të dërgonte një letër tek familja për të kërkuar falje dhe për të përpjekur të shpjegojë arsyet e pabaza të veprës së tij. Ai i lutet nënës së tij që të jetë zëri i tij për të shprehur keqardhjen dhe për të kërkuar falje nga prindërit e Ilarias, sepse ai nuk ka asnjë mundësi ta bëjë vetë”, ka deklaruar avokati i tij.
Kujtojmë se Ilaria Sula u masakrua me thikë nga ish i dashuri i saj filipinas, i cili pasi e vrau e hodhi në një greminë duke e futur në një valixhe.
Ai dyshohet se bashkëpunoi me nënën e tij, e cila e ndihmoi të pastronte gjurmët e gjakut në dhomën e tij, si dhe me dy miq, që mund të kenë kontribuar në asgjësimin e trupit studentes shqiptare.
