Andi Bushati, ka deklaruar se ka gjasa që Veliaj të jetë burgosur me miratimin e Edi Ramës.
Bushati tha se komplotet e socialistëve të tjerë ndaj Veliajt, tregojnë se Rama qëndron pas arrestimit të tij.
“Nuk kam asnjë provë, por jam përpjekur të bëj analizë. Dolën mediat që jepte direktiva Veliaj. Të njëjtat media, ditën që Veliaj u arrestua, kanë hedhur tezën fort që këtij po ja bën Belinda Balluku. Belinda do themi se e bën mbrapa kurrizit të Ramës? Veliaj prap nxorri në përgjime, që edhe Ulsiu po komplotonte. Edhe Ulsiu mbrapa kurrizit të Ramës?
Në Bashki vajti Rama dhe fshiu njerëzit e Veliajt. Në listat e deputetëve të Parlamentit, nuk do të ketë deputet pro Veliaj. Pra gjithë këto rastësi, më bëjnë të dyshoj se SPAK nuk është nisur të bëjë drejtësi por si me Ben Ahmetaj ka marrë urdhër “merreni qenin”. Pra këto janë dyshimet e mia“, tha Bushati në emisionin “Të Paekspozuarit” në MCN TV.
