Ndeshjet e para të çerekfinaleve të Ligës së Kampioneve kanë qenë shumë të rëndësishme për edicionin e ardhshëm të këtij turneu.
Anglia ka siguruar edhe matematikisht praninë në këtë turne me 5 skuadra, falë suksesit të Arsenalit ndaj Real Madridit që i garantoi pikët që i nevojiteshin. Por jo vetëm kaq.
Interi, duke mundur Bayern Munich, ka bërë që klubet gjermane të mos kenë më mundësi matematikisht të sigurojnë pikët që duhen për të kaluar Spanjën e cila mban vendin e dytë në renditjen e përkohshme të sezonit.
Tashmë diskutimi është se cila mes Spanjës dhe Italisë do të sigurojnë vendin e dytë dhe ekipin e pestë në Ligën e Kampioneve për edicionin e ardhshëm.
Dhe në këtë mes, Reali u ka bërë indirekt nder skuadrave italiane.
Eliminimi mëse i mundshëm i tij dhe fakti që ekipet italiane janë në pozita të favorshme për të vazhduar turnetë në të tre kompeticionet ku marrin pjesë, bëjnë që këto të fundit të kenë shpresa për të rikuperuar distancën që kanë me ekipet spanjolle në renditjen e UEFA-s dhe t’i rrëmbejnë vendin e pestë në fotofinish.
