Partia Demokratike duket se ndodhet në gjendje t keqe financiare dhe për këtë ka hapur një llogari, ku i kërkon çdo demokrati që të dhurojë një shumë parash, sado që ai mundet, e cila do të përdoret për të financuar fushatën elektorale, e cila zyrtarisht nis më 11 Prill.
Lidershipi i PD-së u ka shpërndarë një mesazh strukturave, anëtarëve dhe mbështetësve të saj brenda dhe jashtë Shqipërisë, ku u bën thirrje për mobilizim dhe mbështetje financiare në funksion të fushatës së saj elektorale.
PD e konsideron çdo kontribut si një goditje ndaj një sistemi që ka lodhur qytetarët ndër vite.
Mesazhi i plotë:
Miq,
Pak ditë na ndajnë nga një betejë që mund të ndryshojë fatin e Shqipërisë.
Përballë kemi pushtetin dhe paranë. Por kemi edhe ne forcën tonë: zemrën, vullnetin dhe besimin.
Çdo ndihmë, çdo kontribut – është një goditje për sistemin që na ka lodhur!
Dhuro këtu:
https://dhuro.pd.al/
Shqipëria Madhështore po vjen. Dhe ti je pjesë e saj!
Faleminderit nga zemra për mbështetjen dhe qëndresën!
