Policia e Sarandës ka proceduar penalisht një 44-vjeçar pasi lëvizte i armatosur.
Gjatë kontrollit të ushtruar në automjetin tip “Audi”, shërbimet e Policisë konstatuan se drejtuesi i tij, shtetasi A. H., 44 vjeç, banues në Sarandë, mbante një armë sportive të markës “Gamo” pa lejen përkatëse.
Arma u sekuestrua si provë materiale, ndërsa ndaj 44-vjeçarit nisi procedimi penal.
Në një tjetër operacion, Policia e Sarandës ka arrestuar edhe një tjetër shtetas, F. Gj., 21 vjeç, banues në Sarandë. Gjatë një kontrolli në banesën e tij, u gjet dhe u sekuestrua një sasi e dyshuar lënde narkotike e llojit cannabis sativa. Shtetasi 21-vjeçar dyshohet se e ndante lëndën narkotike në doza për ta shitur, kryesisht në lokalet e natës në qytetin e Sarandës.
“Gjatë kontrolleve të ushtruara në lagjen nr. 1, shërbimet e Policisë arrestuan shtetasin F. Gj., 21 vjeç, banues në Sarandë, pasi gjatë kontrollit fizik iu gjet dhe iu sekuestrua një sasi lënde e dyshuar narkotike e llojit cannabis sativa. 21-vjeçari dyshohet se e ndante lëndën narkotike në doza për ta shitur, kryesisht në lokalet e natës në qytetin e Sarandës,” njofton Policia.
Materialet për të dyja rastet iu referuan Prokurorisë për veprime të mëtejshme.
